Om du skal flytta eller bestilla /seia opp nettleige, så vil straumleverandøren din hjelpa deg med alt. Når du bestiller straum frå straumleverandør, så får du automatisk nettleige òg. Det same gjeld om du sender oppseiing til straumleverandøren din, då blir nettleiga sagt opp automatisk.
Det er juridisk eigar av abonnementet som har ansvar for å melda flytting, men både innflyttar og utflyttar kan gjera det. Kven som er juridisk eigar står på fakturaen.
Dersom bustaden har straummålar med manuell avlesing, er det best om innflyttar og utflyttar les av målarstand saman ved overtaking. Då reduserer de sjansen for misforståingar og feil.
Om du er usikker på kven som er straumleverandøren din, så kan du sjå etter kontaktinformasjon på faktura for straum. Du kan også gå inn på Mi side for å finna det ut.
Det er gjort ei endring i straummarknaden for å gjera det enklare for deg som kunde ved at du berre treng å forhalda deg til eitt selskap, straumleverandøren din.
Straumleverandøren din hjelper deg med det meste. Når du melder flytting til straumleverandøren din, så blir det samtidig ordna med nettleige. Det same gjeld ved bestilling av straum til ny bustad eller ved oppseiing. Straumleverandøren er også den som hjelper deg når du har bytt telefonnummer, e-postadresse osb.
Informasjon som du gir til straumleverandøren din blir formidla vidare til ein nasjonal datahub (Elhub), der me som nettselskap får oppdatert informasjon.
Det er berre kundar som ikkje har ein straumleverandør som framleis må melda flytting til oss.
Me tilrår alle å inngå avtale med straumleverandør. Nettselskapet har leveringsplikt, men straum frå oss vil kosta meir enn straum frå straumleverandør på grunn av påslag (nasjonale reglar).
Dei fleste straumleverandørar tilbyr ulike avtalar. Du må sjølv finne ein straumleverandør og bestilla avtalen som passar deg.
Her er ei oversikt over aktuelle straumleverandørar.
Dersom du av ei eller anna årsak ikkje kan ha straumleverandør, ikkje får avtala, eller lignande, så kan du melda endringar om til dømes flytting til oss via Mi side. Skal du endra kontaktinformasjon, så send oss ein førespurnad.