På denne sida finn du oppdaterte prisar og reglar for tariffåret 2025
Nettleige frå 01.01.2025
Bømlo Kraftnett held tariffane uendra frå nyttår med unntak av endring i tariff for byggestraum og prosumentar. I tillegg vert elavgifta auka frå 01.01.2025. Komplett tariffinformasjon finn de her:
Fleire ledd
Nettleiga består av eit kapasitetsledd og eit energiledd. Kapasitetsleddet er delt inn i fleire trinn. Kva trinn du hamnar i, vert bestemt av snittverdien av dei tre høgaste timesverdiane, henta frå tre ulike døgn i månaden ein vert fakturert for. Døgnmaks er den timen i døgnet der ein har brukt mest straum.
Kapasitetsledd:
Trinna er delt inn inn slik. Første trinn 0-2 kilowatt, neste 2-5 kilowatt, så 5 kilowatt per trinn opp til 25 kilowatt. Deretter er trinna delt inn med 25 kilowatt per trinn. Det er forventa at dei fleste kundane våre vil variere mellom trinna 2-5 og 5-10 kilowatt.
Energiledd:
Det vil vera ein pris på dagtid og ein lågare pris om natta (klokka 22.00 - 06.00). Elavgifta som blir tatt inn saman med nettleiga vert fastsett av Stortinget.
Du finn informasjon om kor mykje straum (kW) du brukar i gjennomsnitt ein time ved å logge deg inn på Mi Side og gå inn på "Effektkurver". Nokon kraftomsettarar tilbyr og kundar å vise denne informasjonen via eigne appar.
Prisar for nettleige gjeldande frå 01.01.2025
Prisliste for kapasitetsledd privatkundar
Kapasitetsledd privatkundar (ink. mva)
| Trinn* | Kr/mnd | Årspris |
|---|---|---|
| 0-2 kW | 200 | 2 400 |
| 2-5 kW | 300 | 3 600 |
| 5-10 kW | 400 | 4 800 |
| 10-15 kW | 500 | 6 000 |
| 15-20 kW | 650 | 7 800 |
| 20-25 kW | 800 | 9 600 |
| 25-50 kW | 2000 | 24 000 |
| 50-75 kW | 3000 | 36 000 |
| 75-100 kW | 4000 | 48 000 |
| Over 100 kW | 5000 | 60 000 |
Pris energiledd privatkundar
Energiledd privatkundar (Alle prisar ink. mva)
| Trinn | øre/kWh | Avgift elektrisk kraft låg sats Januar -mars | Avgift elektrisk kraftt høg sats April- desember | Enova avgift (øre/kWh) | Totalt inklusiv alle avgifter låg | Totalt inklusiv alle avgifter høg |
|---|---|---|---|---|---|---|
| Dag* | 38,83 | 12,24 | 21,16 | 1,25 | 52,31 | 61,24 |
| Natt* | 32,58 | 12,24 | 21,16 | 1,25 | 46,06 | 54,99 |
*Dag: kl. 06:00 -22:00, **Natt: kl. 22:00 - 06:00
For komplett tariffinformasjon, sjå vedlegg:
Spørsmål og svar om ny nettleigemodell:
Straumnettet er kraftforsyningens vegnett. Når du kjøper straum brukar du nettet for å frakta straumen frå produksjonsstaden og fram til stikkontakten din. For dette betaler du ei nettleiga. På same måte som bilistane betalar vegavgift for å bruka vegnettet, betalar straumkundane ei fraktavgift for å bruka straumnettet.
Drift, vedlikehald og utbygging av straumnettet i Norge kostar årleg 27 milliarder kroner. Denne rekninga vert betalt av brukarane av nettet gjennom nettleiga Dersom me klarar å utnytte nettet smartare, kan me redusera behovet for utbygging og dermed halda nettleiga lågare.
Nettselskapa si samla inntekt vert bestemt av myndigheitene gjennom årlege inntektsrammer, og vil ikkje bli påverka av ny prismodell. Drift, vedlikehald og utbygging av straumnettet i Norge kostar årleg rundt 27 milliarder kroner. Denne rekninga vert dekka av brukerane av nettet. Ved å utnytta kapasiteten i nettet smartare, kan me halda nettleiga lågast mogleg for straumkundane over tid ved at ein slepp å investere i nytt nett før det strengt tatt er nødvendig.
Flytting av forbruk skal ikkje gå ut over komfort eller tryggleik i heimen. Me anbefalar for eksempel ingen å bruka vaskemaskin, tørketrommel eller oppvaskmaskin når dei søv. Det er heller ikkje mykje å spara på dette. Elbil kan du derimot trygt lada om natta, om du har installert eigen heimeladar og nytta elektrikar til arbeidet.
Dei som brukar mest strøm vil kunne påvirka nettleiga mest. Det gjeld ikkje minst alle dei som har elbil og eigen heimeladar, men det gjeld også andre. For eksempel bør du unngå å skru opp varmeovnar, sette på vaskemaskin, tørketrommel og oppvaskmaskin samtidig. Varmtvassberedaren kan svært mange slå av på dagtid utan å merke det. Dette er enkle og kostnadsparande grep. Å fordele straumforbruket gjennom dagen er nøkkelen her.
Målet med den nye nettleigestrukturen er å halda kostnadane ved å byggja straumnettet nede. Me kan nytta straumnettet smartare ved å fordela straumforbruket ut over døgnet og unngå å bruka for mange straumkrevjande produkt samtidig. Me oppfordrar alle til å vera bevisste på forskjellen mellom nettleige og kraftpris. På "Mi Side" kan du sjekke forbruk og prisar.