Kraftlaget er pålagt å driva linjerydding.
Forskrifta krev dette ut frå omsynet til sikker straumlevering og persontryggleik.
Difor driv me heile året eit omfattande arbeid i traseane for både høgspent- og lågspentlinjer.
Etter retningslinjene våre kvistar me trea og legg att trevirket i traseen. Hogstavfall blir liggjande att i utmarksområder, medan det oftast vert fjerna i innmarksområder og i private hagar.
Me annonserer linjeryddinga i lokalavisa og på sms, me tar i tillegg kontakt med grunneigar før me fell tre i private hagar.
Dersom du sjølv ynskjer å fella tre som står nær ei kraftlinje, bør du kontakta oss for å få råd eller hjelp til felling.
Tre som er i kontakt med høgspentlinjer utgjer livsfare!
Ta alltid kontakt med oss dersom du skal felle tre nær høgspentlinjer!
Kva er mitt ansvar
- Du har ansvaret for å klippa ned buskane dine, tre og hekkar som veks i nærleiken av kraftlinjene eller anlegga våre. Dersom du har stolpar, kabelskap eller nettstasjonar på eller inntil eigedommen din, må du også halda desse områda ryddig. Då kjem mannskapa våre lett til når dei skal utføra vedlikehald eller retta feil ved straumbrot
- På din eigen eigedom kan du fella tre sjølv, men du er sjølv ansvarleg for både tryggleiken og for at arbeidet ikkje påfører skade på linjene og anlegga våre. Derfor tilrår me deg å bruka profesjonell hjelp til slikt arbeid.
- Er du klar over korleis du plantar, unngår du mykje av arbeidet med å klippa ned vekstar som veks for nære anlegga våre. Ønskjer du å planta tre som med tida veks seg store, bør du derfor sørgja for at desse blir planta på eit område av tomta der dei ikkje vil komma i konflikt med kraftleidningar.
Kva er Bømlo Kraftnett sitt ansvar
- Dei fleste straumbrot kjem av at tre veltar over leidningen eller greiner gneg straumleidningar sund. For å sikra straumforsyninga, ryddar me derfor mange kilometer med linjetrasear i vårt nettområde kvart år. Då fjernar me så mykje tre og buskar at det er tilstrekkeleg avstand til linjene fem år framover i tid.
- Når me driv skogrydding, vurderer me også stabiliteten på vegetasjonen rundt. Vegetasjon bind jordsmonnet. Ryddar me for mykje tre, kan dette auka rasfaren ved store nedbørsmengder.