Solceller

Standard solcellepanel

Fordel:

Dette er ofte den rimelegaste løysinga og den er enklare å montere på eksisterande tak der det allereie ligg takstein. Panela vert montert på aluminiumsskinner som er festa i undertaket. Panela vert liggande over eksisterande takpanner og får god lufting. Dette er positivt med tanke på lufting av undertak, kjøling av panela og maksimal produksjon. Ved å bruke denne løysinga kan ein og ta i bruk panela med høgast effekt (opp til 505Wp). Det er med andre ord denne løysinga som gir mest energi for pengane.

Ulempe:

• Nokon meiner og at ein slik installasjon ikkje er like fin/estetisk som integrerte løysingar.
• Fuglar kan etablerer reir i underkant av panela. (Helst på flate tak og tak der det ikkje vil renne vatn under panela).
• Kan legge seg lauv og rusk under panela.
• Vanskeleg å skifte taktekke etter montasje.
• Ein kan normalt ikkje trø på panela.

Bygningsintegrerte panel

Fordel:

• Smekrare installasjon
• Enklare å skifte taktekke i ettertid
• Fuglar etablerer ikkje reir eller liknande i tilknyting til panela.

Ulempe:

• Dårlegare kjøling og derav litt lågare effekt og produksjon.
• Litt meir kostbart/tidkrevjande installasjon og dyrare festemateriell.
• Ein skal ikkje trø på panela.
• Kan påverke luftinga av undertaket dersom ein har for små lekter.

Bygningsintegrerte solcelletakstein:

Fordel:

• Vakkert og kan utnytte heile takflata og eventuelt veggflater.
• Finnes blindpanel som gjer at ein kan få lik utsjånad over heile taket sjølv om det ikkje er brukt solcellefunksjon på eksempelvis skyggesida.
• Ein kan trø på panela/taket.
• Fleire variantar og leverandørar som gjer at ein kan tilpasse utsjånad til resten av bygningsmassen. Arkitekten og den kresne kunden sitt førsteval.

Ulempe:

Kostbart og meir tidkrevjande installasjon. Nokon modellar krev eksempelvis dobbel lekting.